DER ROCKER

Fertig, bärtig, Lederjackl,
Toschenfeidl in mein Sackl,
Kawasaki, Sturzhöm nie ....
ois was föht, is die Marie.

Fufzehn Bier und fett ois wia,
foahma, I bleib nimma hia, nur
vorher wer ma renitent,
mit irgendan, den ma hia net kennt ...

Und I steh auf und betonier eam ane,
moch eam nieda, moch eam auf,
mit mir is net guat Kirschn essn,
der kriagt ane zuckert, dem leg I ane auf.

Dann schmeiß I mi auf mei Maschin,
ganz stoiz, dass I so leiwand bin,
I fühl mi locker und so frei,
auf amoi kummt de Polizei...

De merk´n daß I b´soffn bin,
und woill´n ma´n Führerschein entziehn,
des loß I ma net g´foilln und schrei ...
dann kummts zu aner Schlägerei.

Und die steh´n da und betonier´n ma ane,
haun ma meine Zahnderl ei,
die Kibara, de g´schissenen ....
da muaß doch wo a Föhler sei !